جولیان ئەلڤارێزی یاریزانی یانەی ئەتلەتیکۆ مەدرید لە چاوپێکەوتنێکدا لەگەل گۆڤاری فرانس وتی: ڕاستگۆیانە نازانم چی لە داهاتووم روودەدات.
وتیشی: دەبینم لە سۆشیال میدیا لە ئیسپانیا چی لەسەر من دەگوترێ، زۆر باس لە گواستنەوەم بۆ بەرشەلۆنە دەکرێت، کاتێک ساڵی ڕابردووش گرێبەستم لەگەڵ ئەتلەتیکۆ کرد، زۆر باسی پاریس دەکرا.
ئاماژەی بەوەکرد، بەڕاستی دانوستان لەنێوان کارگێری پاریس سان جێرمان و بەڕێوبەری کارەکانی هەبووە، یانە فەرەنسییەکە ئارەزووی گواستنەوەی منی نیشاندا، بەڵام کارەکان سەرکەوتوو نەبوون.
دەشڵێت: نازانم بە تەواوی چی روودەدات، بەڵام لە ئێستادا سەرنجی تەواوم لەسەر یارییەکانی ئەتلەتیکۆ مەدریدە، لە کۆتایی وەرزدا هەموو بابەتەکان هەڵدەسەنگێندرێن.