ڕۆژنامەی دەیلی مەیلی بەریتانی لە هەواڵێکیدا ئاشکرای کرد بەر لە یاری نێوان یانەی بارسێلۆنا و چێڵسی لە گەڕی پێنجەمی چامپیۆنزلیگ لە لەندەن لەکاتی چوونی شاندی یانەی بارسێلۆنا هێرش کراوەتە سەر پاسی شاندەکە و بەو،کە تەنها زیانی ماددی لێکەوتۆتەوە و هیچ کەسێک بریندار نەبووە.
بەپێی زانیاریەکانی دەیلی مەیل بێت جامی پێشەوەی پاسەکەی بارسێلۆنا شکاوە و لەدوای ڕووداوەکە بەچەند خولەکێک خێرا پۆلیسی لەندەن گەیشتۆتە سەر ڕووداوەکە و لەلایەن پڕۆتۆکۆڵێـکی تایبەتەوە خێرا جامی پاسەکە چاک کراوەتەوە و هەموو ڕێگاکانی سەلامەت مانەوەی شاندەکەیان گرتۆتە بەر.
بەپێی دەیلی مەیل بێت ئەم ڕووداوە پلانی بۆ دانراوە و بۆسەی چەند کەسێکی نەناسراو بووە،کە تاکو ئێستا پۆلیسی لەندەن بکەرانی ئەو کردەیان دەستگیر نەکردوە،وە دوای یاریەکەش شاندەکەی بارسێلۆنا بە ڕێگایەکی دیکە گەڕێنراونەتەوە فڕۆکەخانە.
“سەرکار ڕێبوار”