یانەی ئیتیحاد ئۆفەرێکی نوێ بۆ گواستنەوەی محمەد سەڵاحی میسری و ئەستێرەی یانەی لیڤەرپوول، لە گواستنەوەی هاوینەی داهاتوودا ئامادە دەکات.
بەگوێرەی هەواڵێکی ماڵپەڕی گۆڵ، یانەی ئیتیحادی سعودی ئۆفەرێک ئامادە دەکات بە بڕی ٧٠ ملیۆن لیرە، بۆ ئەوەی گرێبەست لەگەڵ محمەد سەڵاح بکات لە میانی مێرکاتۆی داهاتوودا.
ماڵپەڕەکە ئاماژەی بەوەکردووە، گرێبەستەکەی سەڵاح لەگەڵ یانەی ڕێد لە هاوینی 2025 کۆتایی دێت، ئەمەش ڕەنگە یانە ئینگلیزییەکە لە ڕووی داراییەوە سودمەندبێت لە ئەستێرە میسریەکە پێش ئەوەی دوای ساڵێک بەخۆڕایی بڕوات.
هاوینی ڕابردووش سەڵاح ئامانجی سەرەکی یانەی ئیتیحاد بوو، هەروەها یانە سعودیەکە ئوفەرێکی 200 ملیۆن لیرە پێشکەش کردبوو، بەڵام لیڤەرپوول پێداگری لەسەر مانەوەی ئەستێرە میسریەکەی کرد.