هەفتەی رابردوو لە خولی ئیسپانیا لە پێگەی فەرمی خۆیان بڵاویانکردەوە کە پێنج یاریزان پاڵێوراون بۆ باشترینی مانگی لا لیگا کە ئەوانیش لامین یاماڵ و کیلیان مباپێ و ئەنتوان گریزمان و ئۆیارزابال و مێرینۆ بوون.
بە فەرمی رابیتەکە ئاشكرایکرد کە لامین یاماڵی ئەستێرەی یانەی بەرشەلۆنە بە باشترین یاریزانی مانگی 11ی خولی ئیسپانیا دیاریکراوە و خەڵاتەکەی بەدەستهێناوە.
یاماڵ لە مانگی رابردوودا بەشداری چوار یاریی یانەی بەرشەلۆنەی کرد لە خولی ئیسپانیا، لەو چوار یارییەدا سێ گۆڵی بۆ یانەکەی تۆمارکرد و سێ ئەسیستی بۆ هاوڕێکانی کردووە.
یانەی بەرشەلۆنەش کە ئێستا لە پێشەنگی خولی ئیسپانیدایە، لە مانگی 11دا چوار یاریی ئەنجامدا بەرامبەر یانەکانی سێلتاڤیگۆ و ئێلچی و ئالاڤێس و ئەتلەتیک بلباو، لە سەرجەم یارییەکانیشدا بردنەوەی بەدەستهێنا.
داڤید سۆریای گۆڵپارێزی یانەی خیتافیش خەڵاتی جوانترین سەیڤی هەمان مانگی بەدەستهێناوە دوای بردنەوەی کێبڕکێکە لە رکابەرەکانی.