بەرپرسانی یانەی تۆتنهام لە ئەنجامەکانی یانەکە رازی نین و دەیانەوێت تۆماس فرانکی راهێنەر دووربخەنەوە و لەجێگەی ئەو چاڤی هێرنانێدێز بکەن بە راهێنەر، لە ئێستاشدا بەکۆکردنەوەی 22 خاڵ لە پلەی 11یەمی پریمەر لیگ دێت و لەکۆی 16 یاری خاوەنی شەش بردنەوە و چوار یەکسان و شەش شکستە.
فیچاخێس باسی لەوەشکردووە، بەرپرسانی تۆتنهام پێیانوایە یانەکە لە ئێستادا شێوازێکی یاریکردنی دیاریکراوی نییە و ناسنامەی خۆی لەدەستداوە، لەبەر ئەوەش دەیانەوێت تۆماس فرانک لە کارەکەی دووربخەنەوە و راهێنەرەکەی پێشووی بەرشەلۆنە بکەن بە جێگرەوەی.
ئەم خواستەی یانەکەی پریمەر لیگ لە کاتێدایە، پێشتر چاڤی هێرناندێز خواستی خۆی بۆ راهێنەرایەتی کردنی یانەیەکی پریمەر لیگ نەشاردووەتەوە و باسی لەوەکردبوو دەیەوێت لەو خولە بەهێزە راهێنەرایەتی بکات.