لە نوێترین هەواڵ دەربارەی یاسا نوێیەکانی تۆپی پێ،ڕۆژنامە لیکیپی فەڕەنسی ئەمڕۆ لە ڕاپۆرتێکیدا ئاشکرای کرد فیفا ئامادەیی تەواوی دەربڕیوە پێشنیارێکی یاسایەکی نوێی تۆپی پێ لە ئارسن ڤینگەری ئەفسانەی ڕاهێنەرانی تۆپی پێ وەرگرێت.
پێشنیارەی یاساکەی ڤینگەر لەسەر ئۆفسایدە،کە بە یاسای ئێستای تۆپی پێ ئەگەر یاریزان دواین بەرگریکار بە ملیمێکیش تێپەڕێنێت ئەوا ئۆفساید هەژمار دەکرێت،بەڵام لە یاساکەی ڤینگەردا پێشنیاری ئەوە کراوە یاریزان دواین بەرگریکار بەتەواوی تێپەڕێنێت ئۆفساید هەژمار دەکرێت.
بەپێی زانیاریەکان بێت بە ئەگەرێکی زۆرەوە لەسەرەتای وەرزی داهاتوودا ئەم یاسا نوێیە کاری پێدەکرێت و ئەوەی تاکو ئێستا تەمی دروست دروست کردوە لەم بابەتە لێکدانەوەی فیفایە بۆ جێبەجێکردنی.
“سەرکار ڕێبوار”