ئەمڕۆ هەینی 2026.4.3، ئومێد خۆشناو، پارێزگاری هەولێر، لە پەیوەندییەکی تەلەفۆنیدا دەستخۆشی لە یایزانی بەتوانای کورد ئاکام هاشم کرد، بەهۆی ئەو ئاستە بەرزەی لەدوا یاری بۆ گەیشتنی هەڵبژاردەی عێراق بە مۆندیال پێشکەشی کردووە و ئاڵای کوردستانی لەناو یاریگادا بەرزکردەوە.
پارێزگاری هەولێر هەروەها دووپاتی کردەوە، وەک کوڕێکی شاری هەولێر، جێگەی شانازی هەمووانە و هیوای سەرکەوتنی زیاتری بۆ خواست لە کاروانە وەرزشییەکەیدا.
لەکۆتایشدا ڕایگەیاند، لەگەڵ گەڕانەوەی بۆ شاری هەولێر، بە شێوەیەکی شایستە ڕێزلێنانی بۆ دەکرێت لە بەرامبەر ئەو هەڵوێست و سەرکەوتنانەی بەدەستی هێناون و وەک هەمیشە پاڵپشتی دەکرێت.