یانەی ڕیاڵ مەدرید لەم وەرزەیدا خاوەن پێکهاتەیەکی ترسناکە کە زیاتر لە هەر شتێک، بە خێراییە بێوێنەکەی یاریزانەکانی ناسراوەتەوە.
بەپێی ئامارە فەرمییەکانی یوفا و ئەو ڕاپۆرتانەی تۆڕی دێفێنسا سێنتراڵ بڵاویکردوونەتەوە، یاریزانانی شاهانە بوونەتە مەترسییەکی گەورە بۆ سەر هەر بەرگرییەک کە ڕووبەڕوویان ببێتەوە.
لە لووتکەی ئەم لیستەدا، کیلیان مباپێ وەکو خێراترین یاریزانی یانەکە دەردەکەوێت، کاتێک توانیویەتی لە یەکێک لە ڕاکردنەکانیدا تێپەڕی خێرایی 36 کیلۆمەتر لە کاتژمێرێکدا تێپەڕێنێت.
بەڵام ئەمە تەنها سەرەتایە چونکە فیدی ڤاڵڤێردی وەک مووشەکێک بە خێرایی 35.8 کیلۆمەتر لە کاتژمێرێکدا پلەی دووەمی گرتووە، و ڤینیسیۆس جونیۆریش بە خێرایی 35 کیلۆمەتر لە کاتژمێرێکدا لە پلەی سێیەمدایە، ئەوەش ئەو سێگۆشەیە پێکدەهێنێت کە هیچ بەرگریکارێک نایەوێت ڕووبەڕووی ببێتەوە.
سەرسوڕمانییەکان تەنها لێرەدا کۆتایی نایەن، چونکە فێرلان مێندی بە خێرایی 34.9 کیلۆمەتر پلەی چوارەمی بەدەستهێناوە، لە کاتێکدا ڕائول ئەسینسیۆی بەرگریکار بووەتە سوپرایزی گەورەی لیستەکە و بە تۆمارکردنی خێرایی 34.7 کیلۆمەتر، پلەی پێنجەمی پێ بڕاوە.
بوونی ئەم گروپە خێرایە لە پێکهاتەی یانەکەدا، وایکردووە پسپۆڕان و شیکارەوانانی وەرزشی جەخت لەسەر ئەوە بکەنەوە کە “ڕیاڵ مەدرید” خاوەنی چەکێکی کوشندەیە.