لە هەواڵێکی تازەدا لەزاری داڤید ئۆرنشتاینی ڕۆژنامەنووس، یانەی مانچێستەر سیتی گرێبەستی فیل فۆدینی ئەستێرەی تیپەکەی نوێکردۆتەوە و یاریزانەکە تاکو ساڵی 2030 گرێبەستی دەبێت لەگەڵ شین پۆشەکانی مانچێستەر،کە لەسەر داواکاری پێپ گواردیۆلا ئەم گرێبەستە کراوە.
لەڕابردوودا فۆدین ناوی بەچەند یانەیەکەوە دەبەستراویەوە لەوانە بارسێلۆنا و بایرن میونخ و هیلال،بەڵام بە نوێکردنەوەی گرێبەستەکەی هەموو ڕێگاکان داخران بۆ گواستنەوەی ئەو ئەستێرە ئینگلیزیە و بەرپرسانی سیتیزن وەکو نەخشەیەکی داهاتووی یانەکەیان دەیبینن لە بەدەست هێنانی نازناو.
فۆدینی تەمەن 25 ساڵ هەر لە منداڵیەوە یاری بۆ مان سیتی دەکات و لە 327 یاریدا خاوەنی زیاتر لە 100 گۆڵە،کە باشترین ساڵی یاریزانەکەش 2024 بووە لەو ساڵەدا توانیویەتی 27 گۆڵ تۆمار بکات لەسەرجەم پاڵەوانەتیەکاندا.
“سەرکار ڕێبوار”