ڕۆیشتنی ڕۆبێرت لیڤاندۆڤسکی لەیانەی بارسێلۆنا بۆتە جێگای مشتومڕی میدیاکان و بەشێکی میدیاکان باسیان لەوە کرد بارسێلۆنا هۆکارە بۆ ڕۆیشتنی یاریزانەکە،بەڵام پیۆتر ئۆربان کوڕی ڕاهێنەری هەڵبژاردەی پۆڵەندا هەموو ڕاستیەکانی ئاشکرا کرد و هۆکاری سەرەکی ئەستێرەکەی لە بلوگرانا ئاشکرا کرد.
بەپێی قسەی ئۆربان بێت یانەی بارسێلۆنا بە هیچ شێوەیەک لەگەڵ ڕۆیشتنی لیڤا نییە،بەڵام یاریزانەکە خۆی بڕیاری ئەوەی داوە و دەیەوێت ئەزموونێکی دیکە تاقیبکاتەوە،کە ڕەنگە نەیەوێت وەکو یاریزانێکی یەدەگیش مامەڵەی لەگەڵ بکرێت،جیا لەوەش لاپۆرتا و فلیکیش ویستوویانە ڕازی بکەن بمێنێتەوە،بەڵام ئەو سوورە لەسەر قسەی خۆی لەم هاوینە یانەکە جێبهێڵـێت.
لیڤاندۆڤسکی لەساڵی 2022 لەبایرن میونخەوە پەیوەندی بە بارسێلۆنا کردوە و لەو ماوەی یاری کردنی لەگەڵ بلوگرانا خاوەنی 115 گۆڵە لە 187 یاری و ئەم وەرزەش 18 گۆڵی تۆمار کردوە لەسەرجەم پاڵەوانەتیەکاندا،کە ئەمەش ئامارێکی خراپ نییە لەچاو تەمەن و کاتی یاری کردنی.
“سەرکار ڕێبوار”