کۆمپانیای (Acer) دوو کۆمپیوتەری (All in one) و کۆمپیوتەرێکی بچووکی لە کۆنگرەی (CES 2025) نمایش کرد کە بڕوانامەی (Copilot Plus AI) هەیە کۆمپیوتەری (Acer Aspire S AI) بە دوو قەبارەی جیاواز بەردەست دەبێت بە قەبارەی 23.8 ئینج بە ڕوونی 1080p و بە قەبارەی 27 ئینج و بە ڕوونی 1080p و 4K و هەردوو قەبارەکە بە بژاردەی تەچیش بەردەست دەبن.
بە نەوەی نوێی پرۆسێسەرەکانی Intel Core Ultra بەردەست دەبێت و پشتگیری لە Bluetooth 5.4 و Wi-Fi 7 دەکات. دەرچەی HDMI 2.0 و USB-A 3.2 و USB 2.0 هەیە هەروەها لە چارەکی دووەمی ئەمساڵ بەردەست دەبێت هەروەها کۆمپیوتەری (Aspire C AI) نمایش کرا بە قەبارەی ڕوونمای 23.8 و 27 ئینج بە ڕوونی 2K دەبێت. بە پرۆسێسەرەکانی AMD Ryzen AI و گرافیکی AMD Radeon 800M. ڕامی 64 گێگابایت و بیرگەی 1 تێرابایت دەبێت و پشتگیری لە Bluetooth 5.4 و Wi-Fi 6 دەکات. نرخی دەستپێکی بریتییە لە 999 دۆلار لە چارەکی دووەمی ئەمساڵ بەردەست دەبێت.
