کۆمپانیای ئینڤیدیا (Nvidia) هەواڵێکی خۆشی بۆ یاریزانانی جیهان لە بواری گەیمینگ ڕاگەیاند و تایبەتمەندییەکی نوێی بۆ ئەپڵیکەیشنە فەرمییەکەی زیاد کرد، کە کێشەی درێژی کاتی بارکردنی یارییەکان و پچڕانی ناو گرافیک (Stuttering) بۆ هەمیشە چارەسەر دەکات. ئەم تەکنەلۆژیایە نوێیە ناوی (Instant Shader Cache) کە لە زۆربەی یارییە نوێیەکاندا، کاتێک بۆ یەکەمجار یارییەکە دەکەیتەوە، پڕۆسێسەری کۆمپیوتەرەکەت (CPU) دەست دەکات بە لێکدانەوەی هەزاران کۆدی گرافیکی و سێبەرەکان (Shader Compilation).ئەم پرۆسەیە نەک هەر کاتێکی زۆری دەوێت، بەڵکو لە زۆر کاتدا دەبێتە هۆی پچڕان و وەستانی کاتی لە ناو یارییەکەدا.ئینڤیدیا لە ڕێگەی خزمەتگوزاری (Instant Shader Cache) ئەم هاوکێشەیەی گۆڕی لە ئێستا لەبری ئەوەی کۆمپیوتەرەکەت ئەو کۆدانە لێکبداتەوە، ئینڤیدیا لە ڕێگەی سێرڤەرە بەهێزەکانی خۆیەوە (Cloud) کۆدە ئامادەکراوەکان ڕاستەوخۆ بۆ کارتی گرافیکەکەت دەنێرێت.
گرنگترین سوودەکانی ئەم نوێکارییە:
* خێرایی لە بارکردن: یارییەکان زۆر خێراتر لە جاران دەکرێنەوە و کاتی چاوەڕوانی کەم دەبێتەوە.
* ئەزموونێکی نەرم (Smooth): ئەو پچڕانە بێزارکەرانەی (Stuttering) کە لە کاتی ڕۆیشتن لە ناو یارییەکاندا دروست دەبوو، نامێنێت.
* کەمکردنەوەی پەستان: ئەرکی سەر پڕۆسێسەر (CPU) کەم دەبێتەوە، ئەمەش دەبێتە هۆی ئەوەی پلەی گەرمی کۆمپیوتەرەکەت جێگیرتر بێت.
کێ دەتوانێت سوودمەند بێت؟
ئەم خزمەتگوزارییە نوێیە لە ڕێگەی نوێترین وەشانی Nvidia App بەردەستە و پشتگیری لەم زنجیرە کارتانە دەکات:
* کارتەکانی زنجیرەی RTX 30 (وەک 3060, 3070, 3080).
* کارتەکانی زنجیرەی RTX 40 (وەک 4060, 4070, 4090).
* نەوەکانی داهاتووی وەک زنجیرەی RTX 50.
بۆ چالاککردنی ئەم تایبەتمەندییە، پێویستە بەکارهێنەران دوایین وەشانی درایڤەری Game Ready Driver دابەزێنن و لە ڕێگەی ڕێکخستنەکانی ئەپی ئینڤیدیاوە دڵنیابنەوە لە کارکردنی.