گرووپی هێڵی ئاسمانیی لوفتهانزا ڕایگەیاند لە کۆتاییی مانگی تشرینی یەکەمی ٢٠٢٦ەوە گەشتەکانی بۆ دوبەی قۆناغ بە قۆناغ دەست پێ دەکاتەوە. ئەم کۆمپانیا ئاسمانییە ئەمڕۆ لە ڕاگەیەندراوێکدا گوتی: «لە کاتی لووتکەی چالاکییەکاندا، کۆمپانیا ئاسمانییەکانی گرووپی لوفتهانزا زۆرینەی ٣٦ گەشتی هەفتانە بۆ دوبەی و لە دوبەیەوە ئەنجام دەدەن.»
لە ڕاگەیەندراوەکەدا هاتووە: «دەستپێکردنەوەی قۆناغ بە قۆناغی گەشتەکان، پێگەی گرووپی هێڵی ئاسمانیی لوفتهانزا لە ڕۆژهەڵاتی نێوەڕاستدا بەهێز دەکات و هاوکات بژاردەکانی گەشت بۆ گەشتیارانی بازرگانی و گەشتیاری بە شێوەیەکی بەرچاو زیاد دەکات.»
گەشتەکانی ئەم کۆمپانیا ئاسمانییە هاوشێوەی کۆمپانیاکانی دیکە بەهۆی قەیرانی ڕۆژهەڵاتی نێوەڕاست و شەڕە بەردەوامەکانەوە تووشی پەککەوتن ببوون یان بە تەواوی ڕاوەستابوون.