بەڕێوەبەرایەتیی رۆشنبیری و هونەری راپەڕین، بنكەی رۆشنبیری و هونەری رانیە، كۆتایی هێنا بە خولێكی فۆتۆگرافی، كە بۆ ژمارەیەك فێرخوازی سنوورەكە كرابوویەوە.
لە رێوڕەسمی كۆتایهاتنی خولەكە، بەڕێوەبەری بەڕێوەبەرایەتیی رۆشنبیری و هونەری راپەڕین ئامادە بوو و بڕوانامەی بەشداریكردن پێشكەش بە فێرخوازان كرا.
لە خولەكەدا فێرخوازان راهێنانیان لەسەر بەكارهێنانی كامێرا پێكرا و ئاشنا كران بە بنەماكانی كاری فۆتۆگرافی و وێنەگرتنی ڤیدیۆیی بۆ ئەوەی لە داهاتوو بتوانن لەو رێگەیەوە خزمەت بكەن.
