کیانۆ ریڤز، ئەکتەری سینەمایی، رایگەیاند، تەمەنی 59 ساڵە و بەردەوام بیر لە مردن دەکاتەوە، ئەمەش بە کارێکی دروست دەزانێت.
ئەو هونەرمەندە لە چاوپێکەوتنێکی لەگەڵ بی بی سی نیوز باسی ئەو مژارەی کرد و تیشکی خستە سەر نوێترین بەرهەمی کە فیلم نییە، بەڵکو یەکەم کتێبیەتی.
کتێبەکە بەناوی “شوێنێکی دیکە”یە و بەهاوکاری لەگەڵ نووسەری بەریتانی چانیا میڤیل نووسراوە، باس لە جەنگاوەرێک دەکات کە خۆی بۆ مردن ئامادە دەکات.
ئەم کتێبە پێشتر وەک چیرۆکی وێنەیی بەرهەمهاتووە و بڕیارە وەک فیلمیش بەرهەمبهێندرێت.
