تەنگژەی یاسایی نێوان ئەکتەری ئەمریکی بليك لێڤلی و دەرهێنەر جەستن باڵدۆنی چووە قۆناغێکی نوێوە، دوای ئەوەی بەڵگەنامە یاساییەکان چۆنیەتی بەدەستگەیشتنی نامە نهێنییەکانی باڵدۆنییان ڕوون کردەوە.
لێڤلی هاوکارەکەی تۆمەتبار کرد بە هەڵسوکەوتی نەشیاو لە کاتی وێنەگرتنی فیلمدا، ئەوەش بووە هۆی سەرهەڵدانی کێشەیەکی یاسایی ئاڵۆز لە نێوانیاندا.
لێڤلی لە وتەکانیدا هۆکاری دەستکەوتنی بەڵگەکانی گەڕاندەوە بۆ ئاشلی ئەڤێنیۆنی هاوڕێی، کە زانیوێتی مۆبایلێکی کۆنی کارمەندێکی پێشوو زانیاری زۆر هەستیاری تێدایە.
لایەنی بەرامبەر ئەم تۆمەتانەی ڕەت کردەوە، بەڵام تیمی یاسایی لێڤلی نامەکانیان پێشکەشی دادگە کرد. سەرەڕای ئەوەی هەردوو لایەن گەیشتنە ڕێککەوتن پێش چوونە دادگە، باڵدۆنی داواکارییە داراییەکانی لێڤلی بۆ دانانی قەرەبووی پارەی پارێزەران ڕەت کردەوە و تیمی بەرگری باڵدۆنی داواکارییەکەیان بە زیادەڕۆیی ناو برد.