بە چاودێری حەمەی حەمەسەعید، وەزیری رۆشنبیری و لاوانی حکومەتی هەرێمی کوردستان، وەزارەت دیداری “ژن شیعر گۆرانی” ساز دەکات.
دیدارەکە ئێواری رۆژی دووشەممە 2ی ئەیلولی 2024، کات (4:00)ـی ئێوارە لە هۆتێل چوارچرای شاری هەولێر دەستپێدەکات و رۆژی سێشەممە 3ی ئەیلولی 2024 بەردەوام دەبێت.
لە یەکەم رۆژی دیدارەکە وتاری وەزارەتی رۆشنبیری و لاوان دەخوێندرێتەوە و بەڵگەفیلمی “دەنگی ژن لە شیعردا” نمایشدەکرێت.
لەگەڵ میوزیکدا، گەشتێک بە نێو سەدای شیعری ئافرەتان دەکرێت و هەریەک لە کۆسرەت ئەحمەد، فرمێسک مستەفا، رۆژە مەجید، ئیمان یادوەرو بەهرە موفتی، ماردین ئەبوبەکر، پەروین شەمعون، هەنار موفتی، گوڵێ سەلیم، شەیدا محێدین و بەیان ئیبراهیم شیعر دەخوێننەوە. دواتریش ئاهەنگێک سازدەکرێت.
بەرنامەی رۆژی دووەمی دیدار، کە کات 10ی پێش نیوەڕۆی رۆژی سێشەممە 3ـی ئەیلولی 2024 بەڕێوەدەچێت بەم جۆرەیە:
پانێلی یەکەم: بەناونیشانی “دەنگی ژن لە شیعردا” دەبێت و د. پەخشان سابیر حەمەد، “هۆشیاریی رۆشنبیری لە چوارچێوەی بەرهەمی هزری ژنانی کورد دا” پێشکێش دەکات و رزگار جەباری: ناونیشانی “رۆڵی ژنە شاعیرانی کورد” پێشکێش دەکات، هەروەها رۆژ هەڵەبجەیی بابەتێک بەناونیشانی “چۆن شیعری هاوچەرخ دەناسین؟” پێشکێش دەکات.
پانێلی دووەم بەناونیشانی “پێگەی ژن لە گۆرانی و میوزیکدا” لەلایەن نەوژین محەمەد، بە مژاری “رۆڵی ژن لە میوزیک و گۆرانی کوردیدا”،
سەرکەوت رەسوڵ، بە مژاری “دەنگی مێ لە ئەدەب و هونەردا” و ئەڤین حسێن، بە مژاری “ژن لە گۆرانی کوریدی دا” پێشکەش دەکەن
