لە هۆڵی شەهید مەهدی خۆشناو لە هەولێر، رێوڕيسمی ناساندن و بڵاوکردنەوەی کتێبی “ئافرەت لە شانۆی کوردیدا” بەڕێوەچوو.
رێوڕەسمەکە بە ئامادەبوونی فەرهەنگ غەفوور، بەڕێوەبەری گشتی رۆشنبیری و هونەری هەولێر و ژمارەیەك لە ئەدیبان و رۆشنبیران و هونەرمەندان، لقی هەولێری یەكێتی نووسەرانی كورد بەڕێوەچوو.
لە رێوڕەسمەکەدا، نووسەر كورتە باسێكی لەبارەی رۆڵی ژن لە شانۆی کوردیدا پێشكەش كرد، هەروەها تیشكی خستە سەر ناوەڕۆكی كتێبەكەی و سوپاسی لقی هەولێری یەكێتی نووسەران و ئامادەبوانیشی كرد.
لە كۆتاییدا كتێبەكە بەسەر ئامادەبوان دابەشكرا.
فۆتۆ: سەردار قادر
