بە ئامادەبوونی قوباد تاڵەبانی جێگری سەرۆکی ئەنجومەنی وەزیران و حەمەی حەمەسەعید، وەزیری رۆشنبیری و لاوانی حکومەتی هەرێمی کوردستان، لە “پارکی ئازادی” شاری سلێمانی “مۆنۆمێنتی پارێزەرانی حەقیقەت” کرایەوە.
مۆنۆمێنتەکە تایبەتە بە ناوی هەموو ئەو رۆژنامەنووسانەی لە دوای رووخانی رژێمی بەعس و ئازادی عێراقەوە، گیانیان لەدەستداوە.
لە مۆنۆمێنتەکەدا ناوی 550 رۆژنامەنووسی قوربانی تۆمار کراوە و لە چوارچێوەی پڕۆژەکەدا، وێبسایتێکی تایبەتیش بە بەرهەمی رۆژنامەنووسەکان بە هەر سێ زمانی کوردی، عەرەبی و ئینگلیزی دەست بەوەشان دەکات.
هەر لە چوارچێوەی پڕۆژەی مۆنۆمێنتەکەدا، بەشێکی تایبەت تەرخاندەکرێت بۆ پاراستن و نمایشکردنی کەلوپەلی ئەو رۆژنامەنووسانەی گیانیان بەختکردووە.
