کۆمپانیای وەبەرهێنانی ئەمریکی ئاپۆلۆ، بەنیازی کڕینی ستۆدیۆکانی پارامۆنتە بۆ بەرهەمهێنانی سینەمایی و پێشنیاری 11 ملیار دۆلاری بە خاوەنی ستۆدیۆکان داوە.
بەشێکی زۆر لە کۆمپانیاکانی چاویان لەسەر کڕینی ستۆدیۆکانی پارامۆنتە، لەوانەش کۆمپانیای نێتفلێکس، بەڵام تاوەکو ئێستا کۆمپانیای پارامۆنت هیچ روونکردنەوەیەکی لەمبارەیەوە نەداوە.
کۆمپانیای ئاپۆلۆ زیاتر لە نرخی بازاڕ پێشنیازی بۆ کڕینی ستۆدیۆکان داوە کە خۆی نرخی 7 ملیار و 700 ملیۆن دۆلارە.
لەگەڵ بڵاوبوونەوەی ئەو هەواڵە، نرخی پشکەکانی ستۆدیۆکانی پارامۆنت بە رێژەی 12٪ بەرزبووەوە.
هەواڵی پێشوو