کاڤین شێخ سەعید مزیری، بەربژارا ژمارە 62 ل سەر لیستا 275 یا پارتی دیموکراتی کوردستان بۆ ئەنجومەنێ نوینەرێن عێراقێ ل بازنێ نەینەوا، د داخویانییەکێ دا بۆ ئاژانسا نووچەیا زاگرۆس، ڤەگەڕیانا خوه بۆ گۆڕەپانا هەلبژارتنێ ب تەمامکرنا گەشتێ وەسفکر و خوەیاکر کو سۆزێن خوه بۆ خزمەتکرنا خەلکێ نەینەوا دووپات دکەت.
مزیری ئاماژە ب وێ چەندێ کر کو د سالێن بۆری دا ب شەرەف ڤە خزمەت کرییە و “ل هەر مەکۆیەکێ بەرگری ل مافێن هەوە کرییە.” هەروەسا گۆت: “ئەڤرۆ ڤەدگەڕمەڤە بۆ تەمامکرنا گەشتێ ب ئەزموونەکا زێدەتر و ئیرادەیەکا بهێزتر.”
بەربژێرا پارتی دیموکراتی کوردستانێ چەند خالێن گرنگ وەک پرۆژە و بەرنامێ خوه دیارکرن، کۆ ژوانا ،بجیهئینان و قەرەبووکرنا ماددەیا 140: سۆز دا کو کار بکەت بۆ جیهئینانا تەمام و قەرەبووکرنا زیانپێکەفتیێن ماددەیا 140.
پرۆژەیێن خزمەتگوزاری و پێشڤەبرنێ: تەمامکرنا پرۆژەیێن خزمەتگوزاری و پێشڤەبرنێ یێن راوەستیاین و پێدڤیێن پارێزگەهێ.
پشتیڤانیا گەنجان و ئافرەتان: دابینکرنا پشتیڤانیێ بۆ گەنجان و ئافرەتان و رەخساندنا دەلیڤەیێن کاری بۆ وان.
پاراستنا مافێ پێکهاتەیان: پاراستنا ماف و تایبەتمەندییا هەموو پێکهاتەیێن نەینەوا ب بێ جوداهی.
ل دووماهیێ، کاڤین شێخ سەعید مزیری، ژ دەنگدەرێن بازنێ نەینەوا داخواز کر و گۆت: “هەر وەکو چاوا د دەمێن سەخت دا پێکڤە بووین، دا پێکڤە رۆژەکا پرشنگدارتر بۆ خەلکێ دەڤەرێ چێ کەین. ئەز دەنگێ هەوەم ل بەغدا. بۆ گەهشتنا ب ڤان ئارمانجان و پاراستنا ئایندەیێ پارێزگەهێ، هیڤی دکەم دەنگێ خۆ بدەنە لیستا 275 یا پارتی دیموکراتی کوردستان و پشتەڤانیێ ل ڤێ لیستێ بکەن، چونکی پشتەڤانیا هەوە دەستپێکا سەرکەفتنەکا نووی یە بۆ خزمەتکرنێ.”