کەناڵی سی ئێن ئێن ڕۆژی دووشەممە بڵاویکردەوە، کۆل تۆماس ئالن، ئەو چەکدارەی هێرشی کردووەتە سەر ئێوارەخوانی پەیامنێرانی کۆشکی سپی، پێش هێرشەکە نامەیەکی نووسیوە و تێیدا هاتووە “چاوەڕوانی لێبوردنی نەکردوو
لە نامەکەدا کە گوایە ئالن پێش هێرشەکە بۆ خێزانەکەی ناردووە و تێیدا هاتووە کە بەنیازە بەرپرسانی ئیدارەی سەرۆک دۆناڵد ترەمپ بکاتە ئامانج و توڕەیی سیاسی خۆی بەرامبەریان دەربڕیوە، ئەمەش ئاماژەیە بۆ ئەوەی کە “چاوەڕوانی لێبوردنی نەکردووە” لە هیچ بارودۆخێکدا.
بڕیارە ئەمڕۆ ئالن لە دادگا ئامادە بێت، لەوێدا دوو تۆمەتی دەستدرێژیکردنە سەر و هەڵگرتنی چەک.
لە گرتە ڤیدیۆییەکانی شاری تۆرانس لە ویلایەتی کالیفۆرنیا، بریکارەکانی FBI لە نێوان ماڵەکانی نزیک شوێنی نیشتەجێبوونی ئالن دەجووڵێن.
شایانی باسە، هێرشی چەکداری لە کاتی ئێوارەخوانی پەیامنێرانی کۆشکی سپی، دەزگای نهێنی ئەمریکا دەخاتە بەر تاقیکردنەوەیەکی ئەمنی گرینگ لە پاراستنی سەرۆک و بەرپرسە باڵاکان، هەروەها پرسیارەکان سەبارەت بە ئامادەیی و توانای سیستەمەکە بۆ مامەڵەکردن لەگەڵ هەوڵی دزەکردنە دووبارەبووەکان دەکاتەوە.