هونەرمەندی جیهانی تایلۆر سویفت بەهۆی دزەپێکردنی وردەکارییەکانی ڕێوڕەسمی هاوسەرگیرییەکەی لەگەڵ تراڤیس کێڵسی، تووشی دڵەڕاوکێ بووە.
سەرچاوە میدیاییەکان ئاماژەیان بەوە کرد، ڕەنگە هاوسەرگیرییەکە لە 3ی تەممووز لە شاری نیویۆرک بەڕێوەبچێت.
ئەم زانیارییانە سویفتی خستووەتە ژێر فشارێکی گەورە، چونکە ئەو بەردەوام هەوڵ دەدات ژیانی تایبەتی خۆی دوور لە چاوی کامێراکان ڕابگرێت.
تراڤیس کێڵسی کە یاریزانێکی ناودارە، بەهۆی مەشقەکانی تیمی کانزاس سیتی کاتی زۆر کەمە بۆ گۆڕینی پلانەکان.
پێشبینی دەکرێت جەیسۆن کێڵسی وەک باشترین هاوڕێی زاوا لەم ڕێوڕەسمەدا بەشداری بکات. سویفت و کێڵسی لە مانگی ئابی ڕابردوو و دوای پەیوەندییەکی 3 ساڵە دەستگیرانی خۆیان ڕاگەیاندبوو.
ئێستا ئەم دوو ئەستێرەیە خەریکی پێداچوونەوەن بە پلانەکانیاندا تاوەکو ڕێگری بکەن لەوەی ئاهەنگەکە ببێتە ڕووداوێکی میدیایی گەورە. هۆڵیوود بەردەوام چاودێری وردەکارییەکانی ئەم هاوسەرگیرییە چاوەڕوانکراوە دەکات.