دیاردەی گەڕانی سەگی بەرەڵا لە گەڕەکی “ئاشی چەمی” لە شاری زاخۆ نیگەرانی لای دانیشتوان دروست کردووە.
لەم دواییانەشدا، کۆمەڵێک سەگ چوونەتە ناو حەوشەی ماڵێکەوە و بوونەتە هۆی دروستبوونی ترس و دڵەڕاوکێ بۆ ئەندامانی ئەو خێزانە.
هاووڵاتیانی گەڕەکەکە ئاماژە بەوە دەکەن کە زۆربوونی ئەم سەگانە لەناو کۆڵانەکاندا هاتوچۆی ڕۆژانەی خەڵکی تێکداوە، بەتایبەت بۆ منداڵان و ژنان، و ئەگەری هەیە لە داهاتوودا ببێتە هۆی ڕووداوی نەخوازراو.
خەڵکی دەڤەرەکە داوا لە لایەنە پەیوەندیدارەکان و لیژنەکانی قایمقامیەتی زاخۆ دەکەن کە بە زووترین کات چارەسەرێکی گونجاو و بنەڕەتی بۆ کۆکردنەوەی ئەم سەگانە بدۆزنەوە بۆ ئەوەی ئارامی بۆ گەڕەکەکە بگەڕێتەوە.