وول ستریت جورنال: داتاکانی وێنەی مانگی دەستکردی ڕووسیا یارمەتیی ئێرانی داوە بۆ چاودێریکردنی جوڵەی هێزەکانی ئەمریکا لە ڕۆژهەڵاتی ناوەڕاست، لە کاتێکدا موسکۆ دەڵێت: «ئەمە شەڕی ئێمە نییە.»
ڕۆژنامەی وول ستریت ژورنال بە گوێرەی بەرپرسانی ئەمریکی و ئەفسەرێکی پێشووی هەواڵگری ڕووسیا، موسکۆ زانیاریی هەواڵگری هەستیار بۆ ئێران دابین کردووە.
بە گوێرەی ئەو ئەفسەرە پێشوویە، ڕووسیا ڕادەیەکی سنوورداری زانیاریی هاوبەش بە ئێران دەدات، کە شوێنی کەشتی و فڕۆکە سەربازییەکانی ئەمریکاش لەخۆ دەگرێت.
بە گوێرەی ڕاپۆرتەکە، ئەو زانیارییانە یارمەتییانداوە بۆ ئەوەی ئێران هەندێک لە دامەزراوەکانی ئەمریکا لە ناوچەکە، هەروەها ژمارەیەک ئامانجی ناو ئیسرائیل، بپێکێت.
ڕاپۆرتەکە ئاماژەی بەوەش کردووە کە Vladimir Putin بە وریاییەوە هەڵسوکەوت دەکات بۆ ئەوەی تووڕەیی Donald Trumpهەڵنەگیرسێنێت، لە کاتێکدا بەڕێوەبەرایەتی ترەمپ ئاماژە بە ئەگەری ئاساییبوونەوەی پەیوەندییەکان لەگەڵ موسکۆ دەدات، ئەگەر ڕێککەوتنێکی ئاشتی لەسەر ئۆکراینا بگاتە دەست.
لە بەرامبەردا، موسکۆ دووبارە پشتڕاستی کردووەتەوە کە ناچێتە ناو ئەو ململانێیە لەگەڵ ئێران. وتەبێژی کرێملین، Dmitry Peskov، لەم هەفتەیەدا وتی: «ئەمە شەڕی ئێمە نییە.»