عاسم مونیر، فەرماندەی سوپای پاکستان، ڕۆژی سێشەممە ٢٨ی ڕەزبەر (٢٠ی تشرینی یەکەم) بۆ دیدار لەگەڵ بەرپرسانی باڵای کۆماری ئیسلامی سەردانی تاران دەکات.
ڕۆژنامەی مینت‌میرەری پاکستان ڕاپۆرتی داوە، پێشبینی دەکرێت مونیر لەم سەفەرەدا لەبارەی “هاوکاریی دوولایەنە، پرسە جێی بایەخەکانی هەردوو وڵات و گۆڕانکارییە هەرێمییەکان” گفتوگۆ بکات.
یەکێک لە تەوەرە سەرەکییەکانی گفتوگۆکان، ڕۆڵی پاکستان دەبێت لە نێوەندگیریی نێوان ئێران و ئەمریکا. پێشبینی دەکرێت هەردوو لا لەبارەی هەوڵە دیپلۆماسییەکانی ئیسلام ئاباد بۆ کەمکردنەوەی گرژییەکان، بەهێزکردنی گفتوگۆکان و دۆزینەوەی چارەسەرێکی ئاشتییانە بۆ ناکۆکییەکانی تاران و واشنتۆن ڕاوێژ بکەن.
پاکستان لە مانگەکانی ڕابردوودا جەختی لەسەر پێویستیی گفتوگۆ بۆ کەمکردنەوەی گرژییە هەرێمییەکان کردووەتەوە. هێشتا وردەکاریی زیاتر لەبارەی دیدارە پلاندانراوەکانی عاسم مونیر بڵاو نەکراوەتەوە.
پاکستان پێشتر لە لووتکەی گرژییەکاندا لە نێوان ئێران و ئەمریکادا بۆ نێوەندگیریی دەستی بەکار کردبوو و ئێستاش بە دووبارە توندبوونەوەی گرژییەکان لە نێوان تاران و واشنتۆندا لە ڕۆژانی ڕابردوودا، ئیسلام ئاباد جارێکی تر هەوڵە دیپلۆماسییەکانی خۆی بۆ کەمکردنەوەی گرژییەکان دەست پێ کردووەتەوە.
