بانکی نێوەندیی ئەورووپا ڕۆژی پێنجشەممە، حەوتی گەڵاڕێزان، لە بەیاننامەیەکدا ڕای گەیاند، سەرۆکەکەی دەستی لەکار کێشاوەتەوە و لە ١٨ی ڕێبەندان لە پۆستەکەی دەستبەردار دەبێت. کریستین لاگارد بڕیارەکەی بە ئەنجوومەنی حاکمانی بانک و ئەنتۆنیۆ کۆستا، سەرۆکی ئەنجوومەنی ئەورووپا، پێ ڕاگەیاند.
ماوەی سەرۆکایەتیی لاگارد تا نۆیەمی گەڵاڕێزانی ساڵی داهاتوو بەردەوام بوو. ڕۆیتەرز لە ٢٣ی ڕەزبەردا بە پشتبەستن بە چوار سەرچاوەی نزیک لە کۆڕبەندی ئابووریی جیهانی نووسی، کۆڕبەندەکە لەوانەیە سەرۆکایەتییەکەی بە لاگارد بسپێرێت.
کشانەوەی پێشوەختە ڕێگە بە سەرکردەکانی یەکێتیی ئەورووپا دەدات جێگرەوەی لاگارد پێش هەڵبژاردنەکانی سەرۆکایەتیی بەهاری فەڕەنسا هەڵبژێرن. کڵاس کنۆت و پابڵۆ هێرناندێز دێ کۆس، سەرۆکەکانی پێشووی بانکی نێوەندیی هۆڵەندا و ئیسپانیا، چانسی زیاتریان هەیە.
بانکی نێوەندیی ئەورووپا ئەمڕۆ بڕیاری ڕێژەی سوو ڕادەگەیەنێت و لاگارد پاشنیوەڕۆ لە کۆنفرانسێکی ڕۆژنامەوانیدا ئامادە دەبێت.