جۆن کێربی، ڕێکخەری پەیوەندییە ستراتیژییەکانی کۆشکی سپی ڕایگەیاند، بڕیارە “گرووپی حەوت” لە لوتکەی خۆیدا لە ئیتاڵیا، سزای نوێ و سنووردارکردنی هەناردەی ڕووسیا ڕابگەیەنێت.
ئاماژەی بەوەشکرد، بەردەوام دەبین لە بەرزکردنەوەی تێچووی ئامێرە سەربازییەکانی ڕووسیا، لەم هەفتەیەشدا سزای نوێ و کۆنترۆڵکردنی هەناردەکردن ڕادەگەیەنین.
کێربی گوتیشی: گروپەکە هەنگاوی نوێ بۆ بەکارهێنانی سەروەت و سامانی بلۆککراوی ڕووسیا بۆ بەرژەوەندی ئۆکرانیا ڕادەگەیەنێت.
ئەو بەرپرسە ئەمەریکییە ڕوونیشیکردەوە، ئەو سنووردارکردنانە کاریگەرییان لەسەر رێکخراو و تۆڕەکان دەبێت کە یارمەتی ڕووسیا دەدەن.
گوتیشی: ئەم ڕێوشوێنانە دەبێتە هۆی ئەوەی کە ئاسانکارە داراییەکان بۆ نموونە پشتیوانی بنکەی پیشەسازی سەربازی ڕووسیا قورس بێت، هەروەها گەڕانەوەی داهاتوو بۆ کەرتە گرنگەکانی ڕووسیا سنووردار دەکات.
ئا:ج
![](https://i0.wp.com/www.zagrosn.com/wp-content/uploads/2024/06/inbound7743746573786591277.png?fit=960%2C540&ssl=1)
هەواڵی پێشوو
هەواڵی داهاتوو