ئەمڕۆ یەکشەممە، میدیا فەرمییەکانی ئێران ڕایانگەیاند، کە ئێران و عێراق ڕێککەوتوون لەسەر کردنەوەی بازاڕە سنوورییەکانی شارەکانی بانە و سەقز لە ڕۆژەهەڵاتی لوردستان.
نوێنەری خەڵکی شاری سەقز لە ئەنجوومەنی شورای ئیسلامی، موحسین بیغلەری، سەبارەت بە پێداچوونەوە بە مەرجەکانی بازاڕە سنوورییەکان لە پارێزگاکانی “سەیرانبەند، هەنگەژال، گلەسۆر لە بانە و سەیف لە سەقز”، گوتیشی: پاسەوانی سنوور ڕەزامەندی دەربڕیوە لەسەر کردنەوەی ئەو بازاڕە سنوورییانە.
ئاژانسی مێهری ئێران ڕایگەیاند، نوێنەرەکەی خەڵکی سەقز و لە پەرلەمان، کردنەوەی بازاڕە سنوورییەکانی ئەم دوو شارە سنوورییەی بە داخوازیی گشتیی خەڵک وەسف کرد.
ئاماژەی بەوەش کرد: خۆشبەختانە سەرکردایەتی پاسەوانی سنوور ڕەزامەندی دەربڕی لەسەر کردنەوەی سنوورەکانی کوردستان بە ڕێژەی 100%.
ئا:ج
