سەرۆکی ژووری بازرگانیی تاران بە ئاژانسی ئیلنای ڕاگەیاندووە لە کاتێکدا لە ئێران کێشەی کەمبوونی دەرمان هەیە، کارگەکانی بەرهەمهێنانی دەرمان دوو ڕۆژ لە حەفتەدا کارەبایان نابێت و ئەمەش کێشەیەکی زۆری بۆ کەرتی تەندروستیی پێکهێناوە.
حەفتەی ڕابردوو بە هۆی شەپۆلێکی گەرماوە کە ڕووی لە ئێران کردووە، بەکارهێنانی کارەبا لەم وڵاتە ژمارەی پێوانەییی تۆمار کرد و ئەمەش لە چەندین پارێزگای ئەم وڵاتە بوو بە هۆی پچڕانی کارەبا.
بەڕێوەبەرانی پازدە پارێزگای ئێران ناچار بوون بە مەبەستی کەم کردنەوەی بەکارهێنانی کارەبا دوو رۆژ پشووی فەرمی ڕابگەیەنن.
وەزارەتی وزەی ئێرانیش ڕایگەیاندووە بۆ دابینکردنی کارەبا بۆ هاووڵاتیان کارەبای کارگە پیشەسازییە گەورەکان دەبڕێت.
![](https://i0.wp.com/www.zagrosn.com/wp-content/uploads/2024/07/inbound5276970842316361597.gif?fit=681%2C392&ssl=1)
هەواڵی داهاتوو