دامەزراوەی عێراقی ئایندە بۆ توێژینەوە و ڕاوێژی ئابووری ڕایگەیاند هەناردەی پێداویستییە خۆراکییەکان لە نیوەی یەکەمی 2024 بە 21% زیادی کردووە و گەیشتووەتە ملیارێک و 600 ملیۆن دۆلار، لە کاتێکدا لە نیوەی یەکەمی 2023 تەنیا ملیارێک و 300 ملیۆن دۆلار بووە.
بە پێی ئەم هەواڵە، هەناردەی سەوزە و میوە بە 63% بەرزبووەتەوە و لە نیوەی یەکەمی ئەمساڵ گەیشتووەتە 437 ملیۆن دۆلار.
هەروەها هەناردەی ماسی بە 263%، شەکر و بەرهەمە شیرنەمەنییەکان بە 123% بەرزبووەتەوە، بەڵام لە هەمان ماوە هەناردەی گۆشت بە 4% کەمیکردووە و بۆ 206 ملیۆن دۆلار دابەزیوە.
ئەم دامەزراوەیە، ئاماژەی بەوەشکردووە، هەناردە ماددە خۆراکییەکان 21٪ کۆی هەناردەی تورکیا بۆ عێراق پێکدەهێنێت. لە نیوەی یەکەمی 2024 بە کۆی گشتی تورکیا بە بەهای حەوت ملیار و 500 ملیۆن دۆلار کاڵای هەناردەی عێراق کردووە لە کاتێکدا لە هەمان ماوەی ساڵی 2023 تەنیا شەش ملیار و 800 ملیۆن دۆلار بووە.
