“ئێف‌بی‌ئای” ڕایگەیاند، لە لێدوانەکانی تڕەمپ دەکۆڵنەوە کە گوتبووی؛ ئێران هەوڵی داوە دەست لە کاروباری هەڵمەتی هەڵبژاردنان بدات و هەڵمەتەکە بشێوێنێت.
ڤێدانت پاتێل جێگری گوتەبێژی وەزارەتی دەرەوەی ئەمریکا لەم بارەیەوە گوتی: هەوڵەکانی ئێران بۆ دەست‌تێوەردانی ئەلیکترۆنی و هاککردنی دامەزراوەکانی ئەمریکا نوێ نین و رێکاری پێویست لەسەر ئەم مەترسیانە دەگیرێنەبەر.
ئەمە لەکاتێکدایە، ڕۆژی شەممەی ڕابردوو هەڵمەتی بانگەشەی دۆناڵد تڕەمپ ئێرانیان بە هاککردن و هەوڵی دزەپێکردنی زانیاریی تۆمەتبار کرد.