بە گوێرەی زانیارییان ئەمڕۆ چوارشەممە ١٨ی ئەیلوول چەندین قەیقنەوەی نوێ لە لوبنان ڕوویانداوە و تەقینەوەکانی ئەمجارە جیاواز و بەهێزترن و بوونەتە هۆی ئاگرکەوتنەوە لە باڵەخانە و ئۆتۆمبێلی هاووڵاتییان.
بەگوێرەی ئامارە سەرەتاییەکان 100 کەس برینداربوونە و سێ کەسیش کوژراون.
لایەنە ئەمنییەکان ئاماژە بەوەدەدەن، هەردوو جۆری ئامێرەکە بە نزیکەیی لە هەمان کاتدا و پێنج مانگ لەمەوبەر بە دەستی حیزبوڵڵا گەیشتوون.
وەزیری دەرەوەی لوبنان ڕایگەیاند، تەقینەوەکان وادەکەن شەڕی ناوچەکە فراوانتر بێت.
ڕۆژێک لەمەوبەر هەزاران ئامێری ” پەیجەر” لە دەست ئەندامانی حزبوڵڵای لوبناندا تەقینەوە لانیکەم ١٣ کوژراو و نزیکەی ٣هەزار برینداری لێکەوتەوە.
پەیجەر ئامرێکە بەر لە دەرکەوتنی مۆبایل بۆ پەیوەندیگرتن بۆ مەبەستی سەربازی کەڵکی لێوەردەگیرا و لەم دواییانەدا حزبوڵلا بۆ سەپاندنی بواری ئەمنی بەسەر ئەم ڕیکخراوەدا دوور لە تۆڕی تەلەفۆنی مۆبایل بۆ پەیوەندیگرتن کەڵکی لێ وەردەگرت
