دوای ئەوەی بۆ چوارەم جار ئەمریکا ڕەشنووسی بڕیارنامەی ئاگربەستی غەززەی لە ئەنجومەنی ئاسایشی نەتەوە یەکگرتووەکان ڤیتۆ کرد، گوتەبێژی وەزارەتی دەرەوەی ئێران لە کاردانەوەیەکی تونددا گوتی، ئەمریکا بەم هەنگاوە مۆڵەتی درێژەدان بە کوشتار لە غەززە و لوبنانی پێشکەش بە ئیسرائیل کرد.
ئیسماعیل بەقائی گوتەبێژی وەزارەتی دەرەوەی ئێران، لە تۆڕی ئێکس ئەم هەنگاوەی ئەمریکای بە بێشەرمانە وەسف کردووە و دەڵێت، سەرباری ئەوەی ١٤ ئەندام لە ١٥ ئەندامەکەی ئەنجومەنی ئاسایش دەنگیان بە ڕەشنووسی ئاگربەست لە غەززە دا، تەنیا حکوومەتی ئەمریکا ڕێگەی لە پەسندکردنی ئەم بڕیارنامەیە گرت و جارێکی دیکە دەریخست لە ١٣ مانگی ڕابردوودا بۆ کۆمەڵکوژیی خەڵکی غەززە هاودەستی ئیسرائیل بووە و نە هیچ بەهایەک بۆ گیانی خەڵکی بێتاوان دادەنێت و نە باوەڕیشی بە ئاشتی و سەقامگیریی ناوچەکە هەیە.
هەواڵی پێشوو