پێوەند رووداوەكانی چەند رۆژی رابردووی سووریا و رووخانی یەكجارەكیی رژێمی بەشار ئەسەد، فۆلكەر تورك، رێپێدراوی نەتەوەیكگرتووەكان بۆ مافی مرۆڤ، رایگەیاند: ”ئەوەی دوێنی لە سووریا رووی دا، دەرفەتێكی گرنگە بۆ دروستكردنی ئایندەیەكی باشتر و داهاتوویەكی گەشتره بۆ سوورییەكان.“
گوتیشی: ”بەداخەوە بەهۆی رووداوەكانی چەند ساڵی رابردووی سووریاوە 14 ملیۆن كەس ئاوارە و لانەواز و پەڕاگەندە بوون و 100 هەزار كەسیش تا ئێستا بێسەروشێنن.“
رێپێدراوی نەتەوەیكگرتووەكان بۆ مافی مرۆڤ، روونیشی كردەوە: ”دەبێ كرۆكی قۆناغی گواستنەوە (ئینتیقالی) لە سووریا، بەهەندوەرگرتنی مافی هەموو سوورییەكان بێت، پێویستە هەموو رێوشوێنێك بگیرێتە بەر بۆ پاراستنی هەموو پێكهاتەكان و دووركەوتنەوە لە كردەی تۆڵەسێنی، زۆر گرنگیشە لە ئێستاوە بەڵگەنامەكان كۆ بكرێنەوە تا لە ئایندەدا ئەوانەی تاوانی گەورەیان لە سووریا كردووە موحاسەبە بكرێن.“