ماوەی ١٣ ساڵ جەنگی نێوخۆی سووریا، تەواوی دەروازە‌ی ئەم وڵاتە بەڕووی هاوردەکردنی بەرهەمی وڵاتانی دیکە داخرابوون. ئەمەش وایکردبوو بەرهەمی نێوخۆیی زیاتر بێت.
ئێستا ٦٥٪ـی ئەو کاڵایانەی لە بازاڕەکانی سووریادا هەن، بە تایبەتی کەرەستەی خۆراکی هاوردەکراون و ئەمەش گرفتی بۆ دانیشتوانی سووریا دروست کردووە.
لەبەر ئەوەی دراوی ئەم وڵاتانەی شتیان لێ هاوردە دەکرێت بەهاکەی بەرزترە لە بەهای دراوی سووری، ئەمەش وادەکات نرخی کاڵای هاوردەکراو لە نرخی بەرهەمە نێوخۆییەکان زۆر زیاتر بێت.
کاتێک بازاڕی وڵاتێک پڕدەکرێت لە بەرهەمی هاوردەکراو، زۆر ڕوونە هەر گۆڕانکارییەک لە ئابووری وڵاتی هەناردەکاردا ڕووبدات، ڕاستەوخۆ کاریگەریی لەسەر وڵاتی هاوردەکار دروستدەکات. ئەمەش پێی دەگوترێت خنکاندنی ئابووری و ئێستا سووریا بەدەستییەوە دەناڵێنێت.
