شاندێکی دەم پارتی لە ڕۆژی دووشەممە دەست دەکات بە سەردانی پارت و لایەنە سیاسییەکان. بەگوێرەی میدیاکانی تورکیا، یەکەم سەردان بۆ پارتی گەلی کۆماری (جەهەپە) دەبێت.
بەپێی زانیارییەکان، شاندەکەی دەم پارتی بە سەرۆکایەتی تونجەر باکرهان و تولای هاتیمئۆغوڵڵاری، هاوسەرۆکی دەم پارتی دەبێت. میدیاکانی تورکیا باسیان لەوەش کردووە، چەند ئەندامێکی شاندەکەی ئیمڕاڵی بەشداری لەو سەردانە دەکەن.
هاوکات دەم پارتی ڕایگەیاندووە، جگە لە جەهەپە، سەردانی پارت و لایەنە سیاسییەکانی دیکەش دەکەن.
سەردانی دەم پارتی دوای ئەوە دێت کە لە ۲۷ی شوبات عەبدوڵڵا ئۆجەلان، ڕێبەری زیندانیکراوی پەکەکە داوای چەکدانان و هەڵوەشاندنەوەی پەکەکەی کردبوو، لە ئەنجامدا پەکەکە پابەندی خۆی بۆ بانگەوازەکە ڕاگەیاندبوو.
