واشنتن و مۆسکۆ داوایان لە ئەنجومەنی ئاسایشی نێودەوڵەتی کردووە کۆبوونەوەیەکی بەپەلە و داخراو سەبارەت بە دۆخی سووریا و گرژییەکانی ئەم دواییەی ئەو وڵاتە بکەن.
ئەم هەنگاوە لە کاتێکدایە کە دۆخی سووریا بەردەوام لە ئاڵۆزیدایە و پێویستی بە هەوڵی بە کۆمەڵ هەیە بۆ کۆنترۆڵکردنی دۆخەکە.
بەپێی زانیارییەکان، ئەمریکا و ڕووسیا دەیانەوێت ئەنجومەنی ئاسایشی نێودەوڵەتی سەرنج بخاتە سەر گرژییەکانی ڕۆژئاوای سووریا، ئەندامانی ئەنجومەنەکە دۆخەکە تاوتوێ بکەن و هەروەها ڕێکاری پێویست بۆ چارەسەری کێشەکان بگرنەبەر. تا ئێستا ڕوون نییە کۆبوونەوەکە کەی بەڕێوەدەچێت، بەڵام چاوەڕوان دەکرێت لە نزیکترین کاتدا ئەنجام بدرێت بە لەبەرچاوگرتنی گرنگی و هەستیاری دۆخەکە.
هەواڵی پێشوو