پەرلەمانی فینلەندا بە زۆرینەی دەنگ یاسایەکی پەسەند کرد کە بەکارهێنانی مۆبایلی زیرەک لە قوتابخانەکان قەدەغە دەکات. ئەم یاسایە لە ١ی ئابی ٢٠٢٥ەوە دەچێتە بواری جێبەجێکردنەوە.
بەپێی یاساکە، قوتابیان ناتوانن مۆبایلی زیرەک لەگەڵ خۆیان ببەنە قوتابخانەکان، تەنها لە حاڵەتە زۆر پێویستەکان و دوای وەرگرتنی مۆڵەت لە مامۆستا، دەتوانن بۆ ماوەیەکی کاتی مۆبایل بەکاربهێنن.
هۆکاری سەرەکی قەدەغەکردنی مۆبایلی زیرەک لە قوتابخانەکان، کاریگەریی نەرێنی ئەم ئامێرانەیە لەسەر ئاستی تێگەیشتن و سەرنجی قوتابیان.
بەپێی لێکۆڵینەوان، بەکارهێنانی مۆبایل لە کاتی خوێندن دەبێتە هۆی کەمبوونەوەی توانای قوتابیان لە وەرگرتنی زانیاری و چارەسەری کێشەکان.
فینلەندا، وەک یەکێک لە وڵاتە پێشەنگەکان لە بواری پەروەردە، بەم یاسایە هەوڵ دەدات ژینگەیەکی پەروەردەیی گونجاوتر بۆ قوتابیان فەراهەم بکات.
هەواڵی پێشوو