عەلی یەرلیکایا وەزیری نێوخۆی تورکیا دەڵێت، لە 30 شاری تورکیا هەڵمەتێکی بەرفراوانیان بردووە و 147 کەسیان بە گومانی هەبوونی پەیوەندی لەگەڵ داعش دەستگیر کردووە.
دەستگیرکردنی ئەم گومانلێکراوانە لەکاتێکدایە، 22ی ئادار چوار چەکداری داعش هێرشیان کردە سەر هۆڵێکی ئاهەنگگێڕان لە مۆسکۆی پایتەختی ڕووسیا و زیاتر لە 130 کەسیان کوشت.
میدیاکانی رووسیاش ئاشکرایان کردووە، دووکەس لەم چەکدارانە پێش هێرشەکە سەردانی تورکیایان کردووە و لەوێوە رێنمایی کراون.
بەرپرسانی ئەمنی تورکیاش نایشارنەوە ئەو دوو کەسە سەردانی تورکیایان کردووە، بەڵام توندڕەو نەبوونە و هیچ فەرمانێکی دەستگیرکردنیشیان لەسەر نەبووە.
