سوپای ئیسرائیل ئامادەیی خۆی بۆ گواستنەوە لە بەرگرییەوە بۆ هێرشكردن لە ڕووبەڕووبوونەوەی لەگەڵ حزبوڵڵای لوبنان لەودیوی سنووری لوبنان ڕاگەیاند.
سوپای ئیسرائیل لە بەیاننامەیەکدا کە دوێنێ یەکشەممە لە ماڵپەڕەکەیدا بڵاویکردەوە، ڕایگەیاندووە کە لە ڕۆژانی کۆتاییدا قۆناغێکی دیکەی ئامادەکارییەکانی فەرماندەیی باکوور بۆ شەڕەکە تەواو بووە.
ڕوونیشی کردەوە، ڕێوشوێنە لۆجستییەکان ڕێگە بە دامەزراندنی دەستبەجێی هێزە یەدەگەکان لە حاڵەتی لەناکاو و گەیشتنیان بۆ هێڵی پێشەوە لە ماوەیەکی کورتدا بە هەموو کەرەستەی پێویستەوە بۆ شەڕکردن.
لە ڕاگەیەندراوەکەی سوپادا ئاماژە بەوە کراوە کە “فەرماندەکانی یەکە ئاسایی و یەدەگەکان ئامادەن تەنها لە ماوەی چەند کاتژمێرێکدا هەموو چەکدارە پێویستەکان بانگهێشت بکەن و کەرەستەی پێویستیان بۆ دابین بکەن، دواتر بیانگوازنەوە بۆ هێڵی پێشەوە بۆ ئەنجامدانی ئەرکی بەرگری و هێرشبەری.
aja