میدیایەکی ئیسرائیلی ڕایگەیاند فڕۆکە جەنگییەکانی ئەم وڵاتە شەوی سێشەممە چوونەتە نێو ئاسمانی عێراق و تا نزیک سنووری ئێران پێشڕەوییان کردووە.
بنکەی هەواڵیی “جی فید” لە ڕاپۆرتەکەیدا لەم بارەیەوە نووسیویەتی فڕینی فڕۆکە جەنگییەکانی ئیسرائیل لە ئاسمانی عێراقدا لەگەڵ تەقینەوەی دەنگی هاوڕا بووە. بەپێی هەمان ڕاپۆرت، فڕۆکە جەنگییەکانی ئیسرائیل بە ئەگەری زۆرەوە لە کاتی ئەم هەڵمەتەدا ڕاهێنانی تەقەکردنی شێوەییان ئەنجام داوە.
“جی فید” نووسیویەتی ئەم فڕۆکە جەنگییانە بێ زیان لەم هەڵمەتە گەڕاونەتەوە ئیسرائیل، بەڵام ئەم هەڵمەتە “قومارێکی مەترسیدار” بووە کە دەیتوانی ببێتە بنچینەی شەڕێکی دیکە لەگەڵ ئێراندا. بەپێی ئەم ڕاپۆرتە، دانیشتووانی ناوچەیی لە ڕۆژهەڵاتی عێراق، بەتایبەت لە پارێزگای میسان و لە نزیک شاری عەمارە، دەنگی فڕۆکە جەنگییەکان و تەقینەوە دەنگییەکانیان بیستووە.
پارێزگای میسانی عێراق لەگەڵ پارێزگاکانی ئیلام و خوزستان لە ئێران هاوسنوورە. هاوکات لەگەڵ ئەم ئەم هەڵمەتە، فڕۆکەی سووتەمەنیی هێزی ئاسمانیی ئەمریکا لە جۆری KC-135 لە نزیک سنووری عێراق و ئێران بینراون و پاشان بەرەو بنکەی ئاسمانیی ئەلعدید لە قەتەر ڕۆیشتوون. ئەم پێگە هەواڵییە ئیدیعای کردووە ئەم هەڵمەتە بۆ هەڵسەنگاندنی توانای بەرگریی ئێران بووە هاوکات لەگەڵ زیادبوونی گرژییەکان لە ناوچەکەدا کراوە. هەندێک سەرچاوەی عێراقی ڕایانگەیاندووە فڕۆکەیەک لە ئاسمانی پارێزگای میسان دیوارە دەنگییەکەی شکاندووە.
هەواڵی پێشوو