سەرۆك وەزیرانی ئیسپانیا، سێ رۆژ ماتەمینیی گشتیی بۆ رێزگرتن لە قوربانییانی رووداوی پێكدادنی شەوی رابردووی نێوان دوو شەمەندەفەر راگەیاند.
شەوی رابردوو لە هەرێمی كۆرتۆبەی ئیسپانیا و بە دروستی لە نزیك شارۆچكەی ئەدامۆس، بە دووریی 360 كم لە باشووری مەدریدی پایتەخت، پاش ئەوەی شەمەندەفەرێكی خێرای گواستنەوەی سەرنشینان لە هێڵی ئاسنیی خۆی لادەدات، لەگەڵ شەمەندەفەرێكی دیكەی هاوشێوە پێكدا دەدەن و لە ئەنجامی ئەو رووداوە، كە بە (رووداوێكی بێوێنە لە وڵاتەكە) وەسپی دەكەن 39 كەس گیانیان لەدەست دا و بە دەیان كەسی دیكەش بە سەختی بریندارن.
حكوومەتی ئیسپانیا هەم ماتەمینیی گشتیی بۆ ماوەی سێ رۆژ راگەیاند و هەم بەڵێنیشی دا كە لێكۆڵینەوەیەكی رژد و ورد لە رووداوەكە دەكات و هۆكارەكان بەڕاشكاوی ئاشكرا دەكات بۆ رای گشتی.
شایەنی باسە ئەو شەمەندەفەرەی كە لە هێڵەكە دەرچووە بە خێرایی ٢٠٠ كم لە سەعاتێكدا بەڕێوە بووە، بەڵام تا ئێستا خێرایی شەمەندەفەرەكەی بەرامبەری نەزانراوە.