دێڵسی ڕۆدریگێز سەرۆکی کاتیی ڤەنۆزوێلا ڕایگەیاند حکوومەتی ئەمریکا دەستی بە پرۆسەی ئازادکردنی بەشێک لە دارایییە بلۆککراوەکانی ڤەنۆزوێلا کردووە و ئەم پارانە بۆ کڕینی کەرەستەی پزیشکی تەرخان دەکرێن.
تا ئێستا بڕی وردی دارایییە ئازادکراوەکان ڕانەگەیەندراوە.
ئەم بڕیارە بۆ وڵاتێک ساڵانێکە ڕووبەڕووی سزای ئابووری و کەمبوونی کەرەستە و گوشار بۆ سەر کەرتی تەندروستی دەبێتەوە دەتوانێت کاریگەریی بەرچاوی لەسەر ژیانی هاووڵاتییان هەبێت.
ئەم هەنگاوەی واشنتن دوای دەستگیرکردنی نیکۆلاس مادۆرۆ سەرۆکی پێشووی ڤەنۆزوێلا لە سەرەتای ئەم مانگەدا دێت.
پێشتریش ئەمریکا گرێبەستێکی دوو ملیار دۆلاریی بۆ هەناردەکردنی نەوت و بەرنامەیەک بۆ نۆژەنکردنەوەی پیشەسازیی نەوتی ڤەنۆزوێلا ڕاگەیاندبوو.
