ئەمریکا و ئەرمەنستان بە واژۆکردنی ڕێککەوتنێک بۆ هاوکاری لە بەکارهێنانی ئاشتییانەی وزەی ئەتۆمی، هەنگاوێکی گرنگیان بۆ بەهێزکردنی پەیوەندییەکان و گۆڕینی سەرچاوەکانی وزەی ئەرمەنستان نا.
ڕۆژی دووشەممە ٩ فابیروەری ٢٠٢٦ ، جی‌دی وەنس، جێگری سەرۆککۆماری ئەمریکا، و نیکۆل پاشینیان، سەرۆک وەزیرانی ئەرمەنستان، لە ئێرێوان ڕاگەیەندراوی هاوبەشی ئەم ڕێککەوتنەیان واژۆ کرد.
ڕێککەوتنەکە، کە بە «ڕێککەوتنی ١٢٣» ناسراوە، ڕێگە دەدات تەکنەلۆجیا، کەرەستە و ماددەی ئەتۆمیی ناچەکداری بە شێوەی یاسایی لە ئەمریکاوە بۆ ئەرمەنستان ببرێت. بەپێی لێدوانەکان، بەهای سەرەتاییی ئەو هاوردەکارییانە دەتوانێت بگەاتە ٥ ملیار دۆلار و ڕێککەوتنە درێژخایەنەکانی سەبارەت بە سووتەمەنی و چاودێریش بڕی زیاتر لە ٤ ملیار دۆلار هەبێت.
ئەرمەنستان، کە ئێستا لە بواری وزەدا زۆر پشت بە ڕووسیا و ئێران دەبەستێت، هەوڵ دەدات ئەو وابەستەییە کەم بکات. هەندێک لێکۆڵەران ئەم ڕێککەوتنە بە هەنگاوێکی سەرەکی بۆ زیادبوونی ئەگەری بەشداریکردنی ئەمریکا لە پڕۆژە ئەتۆمییە نوێکەی ئەرمەنستان دەزانن.