عەباس عێراقچی، وەزیری دەرەوەی ئێران، لە پەیوەندییەکی تەلەفۆنیدا لەگەڵ ئارارات مێرزۆیان، وەزیری دەرەوەی ئەرمەنستان ڕایگەیاند، وڵاتەکەی لە دۆخی جەنگدایە. ئاماژەی بەوەش کرد، ئێران بۆ بەرگری کردن لە خۆی و کاردانەوە بەرانبەر هێرشەکانی ئەمریکا و ئیسرائیل، بنکە سەربازییەکانی ئەمریکای لە ناوچەکەدا کردووەتە ئامانج.
عێراقچی جەختی لەوە کردەوە کە تا هەر کاتێک پێویست بکات، بەرگری لە خۆیان دەکەن و تۆڵەی خوێنی کوژراوەکانیان دەستێننەوە. لە بەرانبەردا، وەزیری دەرەوەی ئەرمەنستان ئامادەیی وڵاتەکەی بۆ هەر جۆرە هاوکارییەکی مرۆیی دەربڕی و هیوای خواست کێشەکان لە ڕێگەی دیپلۆماسییەوە چارەسەر بکرێن.
