خانمی یەکەمی ئەمەریکا، میلانیا ترەمپ، ئەمڕۆ دووشەممە، ٢ی ئاداری ٢٠٢٦، سەرۆکایەتیی کۆبوونەوەیەکی ئەنجوومەنی ئاسایشی نێودەوڵەتی لە نیویۆرک دەکات.
کۆشکی سپی ڕایگەیاند کە بڕیارە کۆبوونەوەی بەهێزترین دامەزراوەی سەر بە نەتەوەیەکگرتووەکان کاتژمێر سێی پاشنیوەڕۆ (20:00 بە کاتی گرینج) دەست پێ بکات و کۆبوونەوەکە جەخت لەسەر پرسەکانی منداڵان، تەکنەلۆژیا و پەروەردە لە ناوچەکانی ململانێدا دەکاتەوە. بەمەش میلانیا ترەمپ دەبێتە یەکەم هاوسەری سەرۆکێکی ئەمەریکی کە سەرۆکایەتیی کۆبوونەوەیەکی لەو شێوەیە بکات.
ویلایەتە یەکگرتووەکانی ئەمەریکا لە ماوەی ئەم مانگی ئادارەدا سەرۆکایەتیی خولی ئەنجوومەنی ئاسایش دەگرێتە ئەستۆ کە سەرۆکایەتیکردنی کۆبوونەوەکانیش دەگرێتەوە. بە شێوەیەکی ئاسایی، باڵوێزانی وڵاتانی ئەندام لە نەتەوەیەکگرتووەکان، یان نوێنەرانی حکوومەتەکان سەرۆکایەتیی کۆبوونەوەکانی ئەنجوومەنەکە دەکەن کە لە 15 وڵاتی ئەندام پێکدێت.