هاکان فیدان، وەزیری دەرەوەی تورکیا لە پەیوەندییەکی تەلەفۆنیدا لەگەڵ عەباس عێراقچی، وەزیری دەرەوەی ئێران، بەهۆی بەئامانجگرتنی خاکی تورکیا ناڕەزایەتی و هەڵوێستی وڵاتەکەی گەیاندە تاران. فیدان ڕایگەیاند کە ئێران بە مووشەکێکی بالیستیکی خاکی تورکیای کردووەتە ئامانج و ئەمەش جێگەی سەرکۆنەکردنە. وەزیری دەرەوەی تورکیا ئاماژەی بە زیادبوونی ئاڵۆزییەکانی ناوچەکە کرد و جەختی کردەوە کە دەبێت هەموو لایەک لە بڵاوبوونەوەی شەڕ و پێکدادان خۆیان دوور بگرن.
مووشەکێکی بالیستیکی کە لە ئێرانەوە هاوێژرابوو، دوای بڕینی سنوورەکانی عێراق و سووریا، لە ناو خاکی تورکیا و لە نزیک بنکەی سەربازیی ئینجیرلیکی ناتۆ، لەلایەن سیستەمی دژەمووشەکی ناتۆوە خرایە خوارەوە.
هەواڵی پێشوو