عەلی خامنەیی، ڕێبەری کۆماری ئیسلامیی ئێران ڕایگەیاند، ژمارەی مووشەکەکانی ئاراستەی ئیسرائیل پرسێکی لاوەکییە.
خامنەیی لە میانەی دیدارەکەی لەگەڵ سەرکردە سەربازییەکانی وڵاتەکەی ڕایگەیاند: “بە فەزڵی خودا، هێزە چەکدارەکان وێنەیەکی باشیان لە توانا و دەسەڵاتی خۆیان نیشان دا، هەروەها وێنەیەکی شەرەفمەندانەیان لە گەلی ئێران نیشان دا، هەروەها دەرکەوتنی ئیرادەی ئێرانیشیان نیشانی خەڵک لە گۆڕەپانی نێودەوڵەتی دا”.
گوتیشی: “ژمارەی ئەو مووشەکانەی کە هەڵدراون یان بەر ئامانجەکەیان کەوتوون، تەوەرێکی لاوەکییە، گرنگترین شت سەلماندنی توانای ئیرادەی گەل و هێزە چەکدارەکانمانە لەسەر ئاستی نێودەوڵەتی”.
دەشڵێت: “هێزه چه کدارەکانمان به کەمترین تێچوو، ئۆپەڕاسیۆنەکەیان له دژی ئیسرائیل ئەنجامدا و دەستکەوتێکی گەورەیان بەدەستهێنا، جەختیشیکردەوە، نابێت هێزەچەکدارەکان بوەستن دەبێت درێژە بەکارەکانیان بدەن بۆ داهێنانی چەک و شێوازی مۆدێرن لە ڕووبەڕووبوونەوەی دوژمن”.
ئێران لە کاردانەوە هێرشکردنە سەر کونسوڵخانەی ئێران لە دیمەشق، ڕۆژی 13ـی نیسان بە سەدان مووشەک و فڕۆکەی بێفڕۆکەوان ئاراستەی ئیسرائیل کرد.
ئا:ج