دوای کەمبوونەوەی شەڕ و ئارامبوونەوەی بارودۆخ لە زۆربەی شارەکانی سووریا، زیاتر لە ٨٠ هەزار پەنابەری سووری، کە لە لوبنان نیشتەجێ بوون، لەسەرەتای مانگی ئازاری ئەمساڵەوە گەڕاونەتەوە بۆ ماڵەکانیان.
سێلین شمێت، گوتەبێژی کۆمیسیۆنی باڵای پەنابەرانی نەتەوە یەکگرتووەکان، ئەم ئامارەی بڵاوکردەوە و تیشکی خستەسەر ئەوەی کە زۆربەی ئەو گەڕاوانە خەڵکی ناوچەکانی دیمەشق، حەلەب، حەما، حمس و دەرعان، دوای ئارامبوونەوەی ناوچەکەنیان گەڕاونەتەوە.
هەرچەند کۆمیسیۆنی نەتەوە یەکگرتووەکان ئاگاداری داوە کە ئارامبوونەوەکە هەنگاوێکی ئەرێنیە، بەڵام هێشتا کێشەی ئەمنی و نەبوونی خزمەتگوزاریەکان هەڕەشەیە بۆ ژیان لەم ناوچانە.